Бишкек шаарында унаа токтотуучу жайларда QR-код системасы киргизилди. Бул жаңы система аркылуу төлөмдөр автоматташтырылып, түшүүлөрдүн ачыктыгы камсыз кылынат.
Муниципалдык «Шаардык жол-транспорт инфраструктурасы» ишканасынын маалыматына ылайык, борбордук аймактагы унаа токтотуучу жайларга QR-код орнотулуп, айдоочулар төлөмдү телефон аркылуу тез жана ыңгайлуу жүргүзө алышат. Төлөнгөн каражаттар түздөн-түз жергиликтүү бюджетке түшөт.
Мындан тышкары, келечекте шаар борбору толугу менен автоматташтырылган унаа токтотуу системасына өткөрүлөрү күтүлүүдө.