7–10-апрель күндөрү Бишкек шаарында француз тилиндеги тасмалардын фестивалы өтөт. Иш-чара Франкофония Жазы алкагында уюштурулган.
Кино көрсөтүүлөр күн сайын саат 18:00дө Ала-Тоо кинотеатрында өтүп, Франция, Бельгия жана Румыниянын тасмалары акысыз сунушталат.
Фестиваль швейцариялык “Bon Shuur Ticino” тасмасы менен ачылат. Тасмалар бир нече тилде көрсөтүлүп, кыргызча, орусча жана англисче субтитрлер менен коштолот.
Иш-чара француз тилин жана франкофон маданиятын жайылтууга багытталган.