Парламентте Бишкектеги үч мектепте француз тили сабактарын кайра киргизүү сунушталды
Жогорку Кеңештин депутаты Эльвира Сурабалдиева Франциянын Кыргызстандагы элчисине кайрылып, бул маселени чечүүгө жардам суранган.
“Мурда №6, 26 жана 68 мектептерде француз тили окутулчу. Азыр №6 мектепте бул сабак алып салынган, ал эми калган мектептерде кыскартылып жатат”, — деди Сурабалдиева.
Агартуу министринин орун басары Надира Жусупбекова Франциянын элчилиги окуу материалдары менен камсыздаса министрлик француз тили сабактарын кайра киргизүүгө даяр экенин билдирди.