Акыйкатчы Жамиля Жаманбаева Кытайдын Кыргызстандагы элчиси Лю Цзянпин менен жолугушту.
Жолугушууда акыйкатчы институту чет өлкөдөгү кыргызстандыктардын укуктарын коргоо жана эл аралык кызматташтыкты кеңейтүү багытында иш алып барып жатканын белгиледи. Ошондой эле Жаманбаева ШКУга мүчө өлкөлөрдүн укук коргоо институттарынын кеңешмесин июнь айында Ысык-Көлдө өткөрүү демилгеси көтөрүлүп жатканын айтты.
Өз кезегинде элчи бул демилгени колдоп, Кытай тараптан өкүлдөр катышууга даяр экенин билдирди.