Садыр Жапаров 10-апрелде Ош облусуна иш сапары менен барат.
Сапардын алкагында мамлекет башчысы бир катар өнөр жай жана социалдык объектилердин иши менен таанышып, инфратүзүмдүк долбоорлордун жүрүшүн карайт. Анын ичинде билим берүү жана саламаттык сактоо мекемелеринин курулушу, жол тармагын өнүктүрүү жана аймакты көрктөндүрүү иштерине өзгөчө көңүл бурулат.
Ошондой эле президенттин аймактагы калктын жашоо сапатын жакшыртууга багытталган социалдык маанилүү объектилерди ачуу жана жаңы курулуштардын башталышына арналган аземдерге катышуусу пландалууда.