Садыр Жапаров 13-апрелде Чоң-Алай районуна барды.
Президенттин Ош облусундагы ыйгарым укуктуу өкүлчүлүгүнүн маалыматына ылайык, мамлекет башчысы райондун активи менен жолугушуу өткөрөт.
Буга чейин президент Ош шаарынын тургундары, ошондой эле Араван району жана Кара-Суу районунун эли менен жолугушкан. Жолугушуулардын алкагында ал жарандардын суроолоруна жооп берген.
Ошондой эле, 10–15-апрель күндөрү Ош облусунда жана Ош шаарында мамлекеттик маанидеги иш-чаралар өтөрү пландалган.
Коомдук коопсуздукту камсыздоо үчүн 1 700дөн ашуун кызматкер тартылат. Ушуга байланыштуу айрым аймактарда транспорт кыймылына убактылуу чектөөлөр киргизилет.