Депутат Табылды Муратбеков «Ысык-Көлдү сактоо – 2035» программасын иштеп чыгууну сунуштады. Анын айтымында, акыркы 10 жыл ичинде Ысык-Көлдүн суусунун деңгээли азайып жатат. Глобалдык жылуулук, мөңгүлөрдүн эриши жана өлкөдөгү суу ресурстарынын өзгөрүшү шартында жаратылыш сууларын жана мөңгүлөрдү сактоо маселеси өзгөчө актуалдуулукка ээ болууда.
«Бул маселе боюнча «Ысык-Көлдү сактоо – 2035″ бирдиктүү мамлекеттик программасын иштеп чыгууну сунуштайм. Ал программа көлдү сактоо, дарыялардан келген сууну көзөмөлдөө, ирригация маселелерин чечүү, ошондой эле дыйкандар үчүн тамчылатып сугаруу тутумун киргизүү чараларын камтышы керек», — деп белгиледи депутат