17-апрелде Балыкчы шаарынан Бишкекке Улуу Британияда жайгашкан “Golden Eagle Trains” компаниясына таандык эл аралык туристтик поезд келди. Бул тууралуу “Кыргыз темир жолу” мамлекеттик ишканасы билдирди.
Маалыматка ылайык, поезд менен Батыш Европа, Түндүк Америка жана Чыгыш Азия өлкөлөрүнөн келген туристтер келишти.
Темир жол бекетинде конокторду салтанаттуу тосуп алуу уюштурулуп, алар үчүн кол өнөрчүлүк көргөзмөсү тартууланды. Андан соң туристтер Бишкек шаары боюнча экскурсияга чыгышты.
Ишкананын маалыматына караганда, туристтердин Кыргызстандагы сапары бир күн мурда башталган. Жалпысынан 90дон ашык турист келген.