Кыргызстанда үй-бүлөлүк зордук-зомбулуктун алдын алуу боюнча беш жылдык план киргизилет. Бул тууралуу Эмгек, социалдык коргоо жана миграция министрлигинин Үй-бүлөнү колдоо жана балдарды коргоо башкармалыгынын башчысы Бакыт Тодогелдиев Биринчи радионун түз эфиринде билдирди.
Анын айтымында, буга үй-бүлөлүк зомбулук менен күрөшүү жана жабырлануучуларды колдоо кирет. Планда аны алдын алуу чаралары да камтылган.
Бакыт Тодогелдиев зомбулуктун ар кандай түрлөрүн алдын алуу боюнча башка өлкөлөрдүн тажрыйбасы колдонуларын кошумчалады. Ал оң натыйжалар дароо эле байкала бербестигин моюнга алды, бирок мындай иштер аны камсыз кылары шексиз.