Бүгүн орус рубли менен казак теңгеси кыйла бекемделди. Ошол эле учурда рубль менен юань жылдык эң жогорку көрсөткүчүн жаңылады. Евро бир аз кымбаттап, ал эми доллар арзандады. Улуттук банктын 22-апрелге карата чет элдик валюталардын сомго карата жарыялаган расмий курсу төмөндөгүчө:
- Доллар (USD) – 87,44 сом;
- Евро (EUR) – 102,88 сом;
- Рубль (RUB) – 1,16 сом;
- Тенге (KZT) – 0,18 тыйын;
- Юань (CNY) – 12,82 сом.
Коммерциялык банктарда доллар орточо эсеп менен 87,27 сомдон сатылып алынып, 87,85 сомдон сатылууда. Ал эми рубль 2022-жылдан берки рекордун жаңылап, 1,14 сомдон сатылып алынып, 1,17 сомдон сатылууда.