Фергана облусунун Куштепи районунда бир чынар дарагын жана бир теректи мыйзамсыз кыйган жергиликтүү тургун жаратылышка келтирилген зыяндын ордун толтуруу жазасы катары 223 көчөт отургузду.
Маалыматка ылайык, Гиштмон айылынын тургуну «бактарды мыйзамсыз кыюу» беренеси боюнча административдик жоопкерчиликке тартылган. Ага айып пул салынып, экологияга келтирилген зыяндын көлөмүн эсептеп чыгышкан. Зыяндын ордун толтуруу үчүн ал 23 павловния, 30 арча, 100 жүзүм көчөттөрүн жана 70 мөмөлүү бак отургузду.