Бишкекте бүгүн жылуулук түтүктөрүн алмаштыруу иштерине байланыштуу Бишкектин Рыскулов көчөсү менен Жаш Гвардия бульварынын кесилиши убактылуу жабылганы маалымдалды.
Иштер 7-апрелден 23-апрелге чейин жүргүзүлүп, айрым автобус жана кичи маршруттук каттамдарынын кыймыл схемасы өзгөртүлөт.
Иштер 7-апрелден 23-апрелге чейин жүргүзүлүп, айрым автобус жана кичи маршруттук каттамдарынын кыймыл схемасы өзгөртүлөт.
Алсак, №7, №34 жана №102 автобус каттамдарынын багыты убактылуу өзгөртүлүп, Жаш Гвардия бульвары аркылуу жүрүүдө.
Ошондой эле №133, №161, №173, №200, №211, №218 жана №290 микроавтобус каттамдарынын кыймыл багыты жарым-жартылай өзгөртүлүп, Жибек-Жолу проспектиси аркылуу айланып өтөт.
Бишкек шаарынын мэриясы жол тыгындарын болтурбоо үчүн каттамды алдын ала пландап алууну сунуштайт.