Балыкчы шаарына кире бериште “Кыргыз дүйнөсү” туристтик комплекси курулат. Бул тууралуу президенттин Ысык-Көл облусундагы өкүлчүлүгүнөн билдиришти.
Балыкчы шаарына кире бериште туристтик инфраструктураны өнүктүрүү алкагында “Кыргыз дүйнөсү” аталышындагы ири туристтик комплексин куруу иштери башталды. Алдын ала пландаштырылган бул иштердин алкагында экопост алынды.
“Мурдагы экологиялык посттун жанында “Кыргыз дүйнөсү” туристтик комплекси курулууда. Комплекс быйыл жыл аягына чейин бүткөрүлөт. Анын негизги бөлүгү Се́менов Тян-Шанскийдин эстелигинин жанында жайгашмакчы”,— деп айтылат маалыматта.