Президент Садыр Жапаров 28-апрелде “Президентти жана Жогорку Кеңештин депутаттарын шайлоо жөнүндө” мыйзамга кол койду.
Ага ылайык, мындан ары Кыргызстанда президенттик шайлоо иштеп жаткан президенттин ыйгарым укуктары аяктоочу жылдын январь айынын төртүнчү жекшембисинде өткөрүлөт. Шайлоону ага төрт ай калганда Жогорку Кеңеш дайындайт.
Мындан ары шайлоо эми январь айынын төртүнчү жекшембисинде болот. Конституция боюнча Кыргызстанда президент беш жылдык мөөнөткө шайланат. Бир эле адам эки мөөнөттөн ашык президент болуп шайлана албайт.