Кыргыз Республикасынын Конституция күнүнө карата Бишкек шаарында ачык асман алдында концерт өтөт. Бул тууралуу мэриядан билдиришти.
Малыматка ылайык, иш-чара 5-майда саат 18:30да борбордук Ала-Тоо аянтында болот.
“Урматтуу шаар тургундары жана калаа коноктору! Бишкек шаарынын мэриясы Сиздерди ачык асман алдындагы концертке чакырат. Келип, классикалык музыканын керемет дүйнөсүнө күбө болуңуздар!”,- деп айтылат билдирүүдө.
Кечеде классикалык музыка жаңырып, көрүүчүлөргө Бишкек шаарынын мэриясынын Чоң симфониялык оркестри өз өнөрүн тартуулайт.