Ливиянын борбору Триполиде коопсуздук күчтөрүнүн башчысы Абдельгани аль-Киклинин өлтүрүлгөнү тууралуу маалыматтан кийин куралдуу кагылышуулар орун алды. Бул тууралуу Reuters агенттиги жазды.
Маалыматка ылайык, кагылышуулардан кийин шаардагы бир нече аймакка өзгөчө абал киргизилип, Ички иштер министрлиги жашоочуларды үйлөрүнөн чыкпоого чакырды.
Al Wasat телеканалы билдиргендей, атышууларга 444-бригада катышкан. Аль-Кикли дал ушул бригаданын штабына кол салуу маалында курман болгону айтылууда. Окуядан улам Триполидеги университеттер убактылуу жабылды.
Эске салсак, Ливия 2014-жылдан бери саясий бөлүнүүнү баштан кечирип келет: Батыш Ливияда Бириккен Улуттар Уюму тааныган өкмөт, ал эми Чыгышта Тобрукта жайгашкан парламент өз ара бийликке умтулуп келет.