Монголияда премьер-министр Оюн-Эрдэнэ Лувсаннамсрайдын кызматтан кетишин талап кылган нааразычылык акциялары уланууда. Бул тууралуу CNN кабарлады.
Демонстранттар анын 23 жаштагы уулунун ашыкча чыгым менен өткөрүлгөн үлпөт тою — вертолет, люкс унаа, кымбат шакек жана дизайнердик буюмдар менен коштолгон жашоо образын сынга алышууда. Социалдык тармактардагы сүрөттөр коомчулукта терс реакция жаратты.
Премьер буга чейин өзүн «жөнөкөй айылдык үй-бүлөнүн өкүлү» катары көрсөткөн. Эл арасында уулунун мындай байлыкка кантип жеткени боюнча суроолор жаралууда.