Кыргызстандагы жеңил унаалардын саны 2012-жылдан көбөйө баштаган. Буга бажы пошлинасынын төмөндүгү себеп болгон.
Акыркы маалыматтар боюнча Бишкекте 427 миң машина катталган. Бул Кыргызстан боюнча катталган 1 млн. 697 миң унаанын 25 пайызын түзөт. Бишкектин жолдору 350 миң унаага эсептелсе, келип-кеткени болуп суткасына 700 миң авто жүрөт. 2023-жылы Бишкекте 1000 кишиге 297 жеңил машина туура келген. 2024-жылы июлдан сентябрга чейин шаардыктар 777 саат тыгында турушкан. Июлда – 197 саат, августта – 256 саат, сентябрда – 324 саат. Декабрда жолдордогу тыгындын күчү 10 баллга жеткен. Ошто деле ушул абал. Акыркы жылдары калктын саны 1,3 эсеге өскөн. Шаарда 150 миң машина катталган. Жолдордун долбоордук өткөрүү мүмкүнчүлүгү 60 миң машинага эсептелген.