Борбор калаада 11-15-июнь күндөрү III Бишкек эл аралык кинофестивалы өтөт. Бул тууралуу Маданият, маалымат жана жаштар министрлиги билдирди.
Маалыматка ылайык, 11-июнда Т. Сатылганов атындагы Кыргыз улуттук филармониясында бир нече иш-чаралар менен коштолгон фестивалдын расмий ачылышы болот.
Тактап кетсек, эл аралык жана Борбор Азия сынакатарынын алкагында чет элдик режиссерлордун кино тасмалары көргөзүлүп, форумдар, атайын көрсөтүүлөр, мастер-класстар өткөрүлөт.
15-июнда иш-чаралар соңуна чыгып, А. Малдыбаев атындагы Кыргыз улуттук академиялык опера жана балет театрында фестивалдын жабылышы болот.
