4-июнда Чолпон-Атада КМШга мүчө мамлекеттердин Бажы кызматтарынын жетекчилеринин Кеңешинин 80-жыйыны өттү. Жыйынга Министрлер Кабинетинин төрагасынын биринчи орун басары Данияр Амангелдиев катышты.
«Акыркы жылдары өз ара аракеттенүүнүн электрондук форматтары жигердүү киргизилип, бажы жол-жоболорун жөнөкөйлөтүү жана автоматташтыруу боюнча долбоорлор ишке ашырылууда. Заманбап технологиялар ачык-айкын, эффективдүү жана ишенимдүү бажы башкаруусунун пайдубалына айланууда», — деди Данияр Амангелдиев.
Жыйындын күн тартибинде бажы кызматтарынын өз ара аракеттенүүсүн күчөтүү, санариптик технологияларды өнүктүрүү жана бажы башкаруунун эффективдүүлүгүн жогорулатуу маселелери талкууланды. Отурумдун жыйынтыгында бул багытта макулдашылган чечимдер кабыл алынды.