Быйыл өлкө боюнча 56 159 абитуриент Жалпы республикалык тестирлөөдөн өттү. Бул тууралуу Агартуу министрлиги маалымдады.
Маалыматка ылайык, алардын ичинен 31 731 абитуриент кыргыз тилинде, 24 428 абитуриент орус тилинде ЖРТ тапшырган.
Май айында тест тапшырган абитуриенттердин ЖРТ сертификаттары мектептерге жана шаардык/райондук билим берүү бѳлүмдѳрүнѳ аттестаттар тапшырылганга чейин жөнөтүлөрү айтылды.
Абитуриент сертификатты алуу үчүн тестке кирүү талонун тапшырышы керек.
Тактап кетсек, 2025-жылы республика боюнча 11-классты 80 миң 348 бүтүрүүчү аяктады.