Малайзиянын Ленгонга шаарынын тургуну 47 жашында биринчи жолу үйлөндү. Анын жубайы 70 жашта, экөө буга чейин кошуна болуп жашап келишкен.
Шайфул Низам бир нече жыл мурда өзү туулуп өскөн жерине көчүп келген. Алгач Рапия Сани аттуу кошунасын көргөндө улгайган адам экен деп дайыма жардам берип жүргөн. Шайфул жөн гана жардам берип жүрүп, аны жактырып калганын сезген. Рапия деле башында катаал мамиле кылганы менен акырында Шайфулга баш ийип, экөө турмуш курушкан.
Учурда жубайлар бактылуу өмүр сүрүшүүдө. Алар сүйүү жашка карабайт дегендин даана далили боло алышты.