БУУнун Адам укуктары боюнча кеңешинин адам эркинен ажыратуу боюнча жумушчу тобу Гүлнара Каримованын абакта кармалышын мыйзамсыз деп таап, Өзбекстан бийлигин аны токтоосуз карап чыгууга чакырды.
БУУнун 2025-жыл апрелиндеги 102-сессиясында кабыл алынган корутундусуна ылайык, Өзбекстандын мурдагы президентинин кызы Каримованын кармалышы эл аралык укук нормаларына каршы келет жана бир катар адам укуктары бузулган. Жумушчу топ Ташкентти компенсация төлөөгө, кармоо шарттары боюнча көзкарандысыз иликтөө жүргүзүүгө жана укук бузууларды токтоосуз жоюуга чакырды.