20-июлда Кыргызстанга мамлекеттик сапары менен Монголиянын президенти Ухнаагийн Хурэлсух келет.
Президенттин администрациясынын тышкы саясат бөлүм башчысы Сагынбек Абдумуталиптин айтымында, сапардын алкагында салтанаттуу иш-чаралар, өлкө башчы Садыр Жапаров, ЖК төрагасы Нурланбек Тургунбек уулу жана өкмөт башчы Адылбек Касымалиев менен эки тараптуу жолугушуулар пландаштырылган.
Кызматташтыкты кеңейтүүгө багытталган документтердин топтомуна кол коюу мерчемделүүдө.
Мындан тышкары, кыргыз-монгол бизнес форуму, концерт болмокчу.