Бийик РЫСКУЛОВ, Республикалык балдардын жана өспүрүмдөрдүн экология,
аймак таануу жана туризм борборунун директору:
– Бизде улуттук программанын негизинде мектеп окуучуларына экологияга аяр мамиле кылууну үйрөткөн ачык сааттар өткөрүлүүдө. Бул иштер жаңы окуу жылынын башталышы менен дагы улантыла бермекчи. Биз мектептерде климаттык өзгөрүүгө адаптация болууга багыттап балдарды окутуп жатабыз. Башкача айтканда мектептин базасында күнөскана иштетүү, дыйканчылык, багбанчылык сырларын жайылтуудабыз. Атайын экскурсияларды уюштуруп, балдарга дары чөптөр, өсүмдүктөрдүн пайдасы тууралуу айтып берип жатабыз.
Биздин бул иштерибиз 2030-жылга чейинки өнүктүрүү программасынын алкагында жыл сайын атайын пландын негизинде ишке ашырыла
бермекчи.