Австралиянын Түштүк Уэльс штатында ишемби күнү 40 сантиметрге жеткен кар жаады. Бул көрсөткүч 1980-жылдардын ортосунан бери биринчи жолу кайталанып жатат. Бул тууралуу Известия агенттиги кабарлады.
Маалыматта белгиленгендей, Квинсленд штатында да кар жааган. Бул аймакта акыркы он жылда биринчи жолу кар жаап, тарыхта бир нече эле жолу катталган көрүнүш болду.
Түштүк Уэльс штатында 1 400дөн ашык өзгөчө кырдаал катталып, 100дөн ашык унаа жолдо калган жана бир топ имараттар жабыркаган. Аймакта суу каптоо коркунучуна байланыштуу эскертүүлөр да берилген.