Барселонанын Эль-Прат эл аралык аэропортуна келишкен туристтердин баласынын документинин мөөнөтү өтүп кеткендиги аныкталган.
Кызыгы, бул жагдай ата-энелердин эс алуу сапарын токтото алган эмес. Алар баласын кайра кайтып келгиче аэропортто күтүп турууга макул кылышып, өздөрү эс алуу үчүн учуп кетишкен. Мектеп окуучусун аэропорттун кызматкерлери байкап калышып, полиция-га кабарлашкан. “Ата-энем жакында кайра учуп келет” деген баланын “саякатчы” ата-энелерин полиция таап, артка кайтарышкан. Жакында эле Россиянын бир самолётунда аял баласын орундукка унутуп кетип калганы боюнча маалымат чыккан. Деги адам баласы эмне болуп баратат?
Мелис СОВЕТ уулу,
«Кыргыз Туусу»