АКШ президенти Дональд Трамп Орусиянын президенти Владимир Путин жана украин лидери Владимир Зеленский менен жолугушууга даяр. Бул тууралуу Ак үйдүн маалымат катчысы Каролайн Ливитт маалымдады.
“Орусия тарап Трамп менен жолугушуу каалоосун билдирди, президент Трамп Путин менен да, Зеленский менен да жолугушууга ачык”, — деп айткан ал билдирүүсүндө.
Ошондой эле Fox News телеканалы шаршембиде Москвага келген АКШ президентинин атайын өкүлү Стив Уиткоффко Путин Трамп менен жолугушуу каалоосун билдиргенин жазды.
Трамп Ак үйдөгү брифингде “жолугушуу жакынкы убакта болушуна жакшы мүмкүнчүлүк бар экенин” белгиледи.
Мындан тышкары, АКШнын президенти Украинадагы согуштун аяктоо мөөнөтү боюнча божомол да айтпай турганын, бул маселеде бир нече жолу көңүлү калганын кошумчалады.