Кыргыз Республикасынын Министрлер Кабинети “Е-Дипломат” деген жаңы мамлекеттик мекемени түзүү жөнүндө токтом кабыл алды. Тиешелүү документке Министрлер Кабинетинин Төрагасы Адылбек Касымалиев кол койгон.
Бул чечим Кыргыз Республикасынын Президентинин 2025-жылдын 19-июнундагы Жарлыгын ишке ашыруу максатында кабыл алынды.
Токтомго ылайык, “Е-Дипломат” мамлекеттик мекемеси тууралуу Жобо жана анын чектелген штаттык саны бекитилди.
Жаңы түзүлгөн мекеме Кыргызстандын дипломатиялык кызмат органдарынын ишмердүүлүгүнө уюштуруу-техникалык колдоо көрсөтөт. Ошондой эле ал өлкөнүн санариптик инфраструктурасынын жана маалыматтык системаларынын иштешин жана өнүгүшүн камсыз кылат.