Ош шаарында жаңы муниципалдык базардын курулушу башталды. Мэриянын маалыматына ылайык, бул жерде учурдагы Келечек, Бостон жана Мөмө-жемиш базарларынан көчүрүлүүчү соодагерлер үчүн шарттар түзүлөт.
Жаңы базар 5 гектар аянтты ээлеп, анда 1300дөн ашык соода оруну каралган. Ошондой эле ишкерлер жана кардарлар үчүн төмөнкү кошумча шарттар түзүлөт:
-
алтын жана зер буюмдарды сатуучу бөлүмдөр,
-
акча алмаштыруучу жайлар,
-
эки ажаткана жана эки ашкана,
-
унаа токтотуучу жай.
Муниципалдык базардын курулушу шаар тургундарына ыңгайлуу шарт түзүп, сооданын өнүгүшүнө өбөлгө болот деп күтүлүүдө.