Президент Садыр Жапаров бүгүн, 28-майда, «Ата-Бейит» Улуттук тарыхый-мемориалдык комплексинде Кыргызстандын мамлекеттик чек арасын коргоодо курман болгон аскерлерге арналган айкелдин ачылыш аземине катышты.
Садыр Жапаров баш болгон бийлик өкүлдөрү мемориалга гүл коюп, баатырларды эскерип, бир мүнөт аза күтүштү. Андан соң үч жолу ок атылып, куран окулду.
Президент баатырлардын туугандары менен баарлашып, алардын эрдиги кыргыз элинин эсинде түбөлүккө каларын белгиледи.