Кара-Көл шаарында билим берүү тармагынын кызматкерлеринин август педагогикалык кеңешмеси өттү. Иш-чарага Министрлер кабинетинин төрагасынын орун басары Эдил Байсалов баштаган жетекчилер катышты.
Кеңешме учурунда 2024–2025-окуу жылындагы жетишкендиктер боюнча маалымат берилди. Ошондой эле 12 жылдык билим берүү системасында инсанга багытталган окутуу жана мугалимдин ролу тууралуу баяндамалар жасалды.
Иш-чаранын алкагында STEM багытында сабак берген 77 мугалимге “Алтын Казык” бренди менен тааныла баштаган ата мекендик ноутбуктар салтанаттуу тапшырылды.
Эске салсак, быйыл 7-августта Агартуу министрлиги өлкөнүн аймактарына 27 миңден ашык ноутбук жөнөтүлгөнүн билдирген.
