Кыргызстандын Президенти Садыр Жапаров Израилдин Катар мамлекетинин борбору Дохага жасаган ракеталык соккусун кескин айыптады. Бул тууралуу анын басма сөз катчысы Аскат Алагөзов социалдык тармактагы баракчасында билдирди.
Президенттин билдирүүсүндө:
«Бул аракеттер эл аралык укуктун жана БУУнун Уставынын принциптерин бузат. Ошондой эле Катар мамлекетинин эгемендүүлүгүнө жана аймактык бүтүндүгүнө түздөн-түз зыян келтирет», — деп белгиленди.
Эске салсак, 2025-жылдын 9-сентябрында Израил армиясы Дохада ХАМАС жетекчилери жашырынышы мүмкүн болгон жайга абадан сокку урган. Бул окуя дүйнө коомчулугунда катуу сынга алынып, Катар, Түркия, Франция, Сауд Арабиясы жана бир катар мамлекеттер аны «эл аралык укукту одоно бузуу» катары баалашты.