Кыргызгидрометтин маалыматына ылайык, 23-сентябрда күндүз жана 24-сентябрда түнкүсүн өлкө аймагында туруксуз аба ырайы күтүлөт. Айрым жерлерде нөшөрлөгөн жаан жаап, бийик тоолуу райондордо кар түшөт.
Чүй, Ысык-Көл, Нарын облустарынын айрым аймактарында жана Жалал-Абад облусунун тоо этектеринде жаан-чачын күчтүү болот. Абанын температурасы төмөндөйт, шамалдын ылдамдыгы секундасына 15–20 метрге чейин жетиши мүмкүн.
ӨКМ жаан-чачындан улам ойдуң жана эңкейиш жерлерди суу каптоо коркунучу бар экенин эскертти. Жарандарга коопсуздук эрежелерин сактап, дарыя жана сайлардын жээгинен алыс болуу сунушталат.