14–15-апрелде Бишкек шаарында СССРдин эл артисти Бүбүсара Бейшеналиеванын 100 жылдыгына карата “Жаңы ысымдар” аталышындагы XI эл аралык студенттик театралдык фестиваль өтөт. Бул тууралуу Маданият, маалымат жана жаштар саясаты министрлиги билдирди.
Маалыматка ылайык, фестиваль жаш таланттарды колдоого алуу, чыгармачылык тажрыйба алмашуу жана эл аралык маданий байланыштарды чыңдоону максат кылат.
Быйылкы иш-чарага Түркия, Өзбекстан, Казакстан жана Азербайжан мамлекеттеринен келген студенттик театр жамааттары катышат. Алар көрүүчүлөргө өздөрүнүн мыкты спектаклдерин тартуулашат.
Уюштуруучулардын айтымында, фестиваль жаш актерлор үчүн чоң сахнага чыгууга мүмкүнчүлүк түзүп, маданий кызматташууну жаңы деңгээлге көтөрүүгө өбөлгө болот.