Буунун башкы Генаралдык катчысы Антониу Гутерриш 80‑сессиянын алкагында өткөн SDG Moment иш-чарасында, туруктуу өнүгүү максаттарына жетүү үчүн аракеттерди күчөтүүгө чакырды.
Гутерриш максатка жетүүнүн негизги жолдорун мындайча белгиледи: каржылык системаны өзгөртүү, климаттын өзгөрүшү менен күрөшүү жана жаңы технологияларга даярдык көрүү. Ал дүйнөнү ар дайым биринчи орунга коюу керек экенин айтты жана 2024-жылы аскердик чыгымдар расмий өнүгүү жардамынан 13 эсе көп болгонун белгиледи.
ГАнын төрайымы Анналена Бербок айткандай, 2030-жылга чейин туруктуу өнүгүү максаттарын аткарылышы акыркы беш жылда төмөнкүдөй көрсөткүчтө:
35% пландын негизинде аткарылган,
47% жетишсиз прогрессти көрсөткөн,
18% тескерисинче артка кеткен.
Ал ошондой эле финансылык абалды тынчсыздандыруучу деп атады: «Өткөн жылы расмий өнүгүү жардамдары 7,1%га азайган. Биз убадаларды аткарууда керек болгон ылдамдыкта жылбай жатабыз».
Бербок кошумчалагандай, өнүгүү адилеттүү жана туруктуу болуш үчүн баарынын үнү угулушу керек жана элдер бири-бирине колдоо көрсөтүп, бирге аракет кылышы зарыл.
Эскерте кетсек, 2015-жылы БУУнун 2030-жылга чейинки туруктуу өнүгүү максаты күн тартибине кол койгон. Анда 17 максат камтылып, алар кедейчиликти жоюу, теңчиликти камсыздоо, климаттык өзгөрүүлөр менен күрөшүү жана башка маанилүү маселелерди чечүүнү көздөйт.