Кыргызстанда 15-сентябрдан 15-октябрга чейин «Улгайган жарандарга көңүл буруу жана камкордук» аттуу бир айлык башталды. Бул тууралуу Эмгек, социалдык коргоо жана миграция министрлиги кабарлады.
Иш-чара КР өкмөтүнүн 2012-жылдын 10-апрелиндеги №237 токтомуна ылайык өткөрүлүп, улуу муундун жашоо сапатын жогорулатууга, улгайган жарандардын кадыр-баркын сыйлоого жана камкордукту бекемдөөгө, ошондой эле коомчулуктун көңүлүн социалдык коргоо маселелерине бурууга багытталган.
Бир айлык алкагында өлкө боюнча социалдык, медициналык жана укуктук иш-чаралар, маданий-агартуу жолугушуулары, өз ара жардам көрсөтүү акциялары жана кайрымдуулук демилгелери өткөрүлөт.
Министрлик бардык жарандарды, коомдук уюмдарды жана бизнес-структураларды бул иш-чарага активдүү катышууга жана улгайган жарандарга камкордукту айлык маалында гана эмес, күн сайын көрсөтүүгө чакырды.