Кыргызстандын президенти БУУнун Башкы Ассамблеясынын 80-сессиясындагы сөзүндө “Африканын эбегейсиз кен-байлыктары Африканын тез өнүгүүсүнө жана өз кызыкчылыктарына жумшалыш керек” — деп билдирди.
Мамлекет башчысы Африка өлкөлөрүндөгү чыр-чатактардан баштап азык-түлүк коопсуздугуна чейинки маселелер сөз жүзүндөгү боорукердикти эмес, конкреттүү иш менен бекемделген тилектештикти талап кыларын баса белгиледи.
Садыр Жапаров Африка – 1,5 миллиарддан ашык калкы бар, 54 мамлекет жайгашкан Евразиядан кийинки эле экинчи чоң континент, эбегейсиз ресурстарга ээ экенине токтолуп, жакынкы келечекте Африканын дүйнөлүк экономикадагы жана эл аралык саясаттагы ролу бир нече эсе жогорулай турганына ишеничин билдирди.