Кыргызстандык белгилүү балбан, дүйнөнүн эки жолку чемпиону Айсулуу Тыныбекова Бириккен дүйнөлүк күрөш уюмунун (UWW) спортчулар комиссиясынын мүчөсү болуп шайланды.
Загребде өткөн дүйнө чемпионатында 400гө жакын спортчу добуш берип, комиссиянын курамына Кыргызстан менен катар Аргентина, Япония, Венгрия, Иран, Греция, Египет, Австралия жана Түштүк Африкадан өкүлдөр кирди.
UWW спортчулар комиссиясы — бул спортчулардын кызыкчылыгын коргоп, дүйнөлүк чечимдерге таасир этүүчү маанилүү платформа.