26-сентябрда таңкы убакта Патрулдук милиция кызматкерлери төрөтканага бара жаткан аялга жардам беришти. Аялды төрөт үйүнө жеткирип бараткан учурда анын толгоосу башталып, наристе түз эле кызматтык автоунаада жарыкка келди.
Милиция кызматкерлери эне менен баланы тез арада төрөт үйүнө жеткирип, дарыгерлерге өткөрүп беришкен. Азыркы учурда алардын абалы канааттандырарлык деп бааланууда.
Адистер белгилегендей, кызматкерлердин негизги милдети — жарандарга ар кандай кырдаалда жардам берүү.