Украина Жогорку Радасы АКШнын президенти Дональд Трампты Нобель Тынчтык сыйлыгына көрсөтүү демилгесин четке какты. Бул тууралуу «Страна» басылмасы кабарлады.
Маалыматка караганда, 450 депутаттын ичинен болгону 132си бул сунушту колдоп добуш берген.
«Жогорку Радада Трампты Нобель Тынчтык сыйлыгына көрсөтүү үчүн жетиштүү колдоочулар болгон жок», — деп айтылат парламенттик докладда.
Эске салсак, 10-октябрда Нобель комитети 2025-жылдагы Тынчтык сыйлыгынын ээси ким болорун жарыялайт. Дональд Трамп буга чейин бул сыйлыкты алууга бир нече жолу кызыкдар экенин айтып, өзүн “ийгиликтүү тынчтык орнотуучу” катары мүнөздөгөн.