Кыргызстандын экономикасы өсүү темпин жогорулатууну улантууда. Евразия өнүктүрүү банкынын макроэкономикалык обзорунда белгиленгендей, 2025-жылдын январь-сентябрь айларында ички дүң продукция (ИДП) 10%га өскөн.
ЕАӨБ аналитиктери экономиканын өсүшү көбүнчө ички факторлор менен камсыздалганын белгилешти: инвестициялар 18,8%га, ички соода 10,9%га өскөн. Туруктуу өсүштүн башка факторлору катары мамлекеттик программаларды ишке ашыруу менен колдоого алынган инвестициялык түрткү жана акча которуулардын көбөйүшү (2025-жылдын январь-июль айларында +18,4%) эсептелет.
Кыргызстан аймактагы эң жогорку өнүгүү темпин көрсөтүп келет. Салыштыруу үчүн: коңшу Казакстанда ИДП 2025-жылы 6,3%га, ал эми Беларуста 1,6%га өскөн. Ошол эле учурда, ЕАӨБгө мүчө бардык өнөктөш өлкөлөрдүн экономикасы тышкы таасирлерге карабастан туруктуулугун сактап келүүдө.
Жалпысынан, негизги макроэкономикалык көрсөткүчтөр туруктуу өсүштү тастыктап жатат.