Кытайдын China Construction Company компаниясы экологиялык таза “Асман” шаарын куруу долбоорун ишке ашырууга катышууга даяр экенин билдирди. Бул тууралуу Улуттук инвестициялар агенттиги маалымдады.
Пекин шаарында Кыргызстандын Улуттук инвестициялар агенттиги, “Асман” шаарын куруу боюнча мамлекеттик дирекция жана China Construction Company ортосунда кызматташуу жөнүндө меморандумга кол коюлду.
Документке ылайык, тараптар инвестициялык, инфраструктуралык жана курулуш багыттарында кызматташтыкты өнүктүрүүнү, ошондой эле туруктуу өнүгүү стандарттарына ылайык курулуп жаткан Asman City — “акылдуу шаар” долбоорунда заманбап технологияларды колдонуу боюнча өз ара иш алып барууну макулдашышты.