Литванын өкмөтү Беларус менен чек арадагы айрым өткөрмө пункттарын бир айга жабуу чечимин кабыл алды. Бул кадам абадан контрабандалык тамеки ташылган аба шарларынын көбөйүшүнө байланыштуу көрүлдү.
Маалыматка караганда, Мядининкай (Каменный лог) жана Шальчинкай (Бенякони) өткөрмө пункттары 30-ноябрга чейин жабык болот. Зарылчылык жаралса, мөөнөт узартылышы мүмкүн.
Ички иштер министри Владиславас Кондратовичюстун айтымында, Шальчинкай өткөрмө пункту толугу менен жабылат, ал эми Мядининкай аркылуу айрым учурларда гана өтүүгө уруксат берилет.
“Бул пункт аркылуу дипломаттар, Калининград аркылуу өткөн транзиттик жүргүнчүлөр, Литванын жарандарын жана Евробиримдик, НАТО өлкөлөрүнүн жарандары менен алардын үй-бүлө мүчөлөрүн өткөрүүгө уруксат берилет. Ошондой эле Литвада жашоого уруксаты бар адамдар жана гуманитардык негиздеги өткөрмө сурагандар да каралат,” — деди министр.