Ош шаардык мэриясынын имараты капиталдык ремонттон өтүүдө. Бул тууралуу муниципалитеттин маалымат кызматы билдирди.
Маалыматка караганда, мэрия жана президенттин Ош облусундагы өкүлчүлүгү жайгашкан имарат буга чейин ГАУГИнин балансында болуп, жакында муниципалдык менчик башкармалыгынын карамагына өткөрүлгөн.
Учурда мэр Жеңишбек Токторбаевдин тапшырмасы менен оңдоонун биринчи этабы жүрүүдө — имараттын фасады жаңыртылып, чатыр толугу менен алмаштырылууда.
Администрациянын маалыматы боюнча, бул имаратка дээрлик 70 жыл болуп, буга чейин капиталдык оңдоо иштери жүргүзүлгөн эмес.