Россиянын Астрахань облусуна Кыргызстандан 130 тоннадан ашык буурчак жөнөтүлдү. Бул тууралуу Ростов, Волгоград, Астрахань облустары жана Калмыкия Республикасы боюнча Россельхознадзор билдирди.
Маалыматка ылайык, өткөн жумада Кыргыз Республикасынан келип түшкөн эки партия төө буурчак (жалпы көлөмү 132 тонна) карантиндик фитосанитардык көзөмөлдөн өткөрүлгөн.
Продукциянын коопсуздугун аныктоо максатында үлгүлөр алынып, аккредитацияланган лабораторияга жөнөтүлгөн. Изилдөөнүн жыйынтыгында эч кандай карантиндик организмдер табылган эмес.
Анын негизинде жүк өкүлдөрүнө фитосанитардык сертификаттар берилди жана товарлар алуучуларга жөнөтүлдү.
Бул жеткирүү Кыргызстан менен Россиянын ортосундагы айыл чарба экспортунун өсүп жатканынан кабар берет.