Эң зыяндуу азыктардын бири — туз.
Туз организмде суюктукту кармап, кан басымды жогорулатат жана шишикке алып келет. Мындан сырткары, туздун 80%ын биз даяр тамактардан алабыз: колбаса, соус, консерва, жарма, печенье жана башка азыктардан. Бул өтө коркунучтуу.
Кант да жүрөк үчүн коркунучтуу.
Ал жөн гана таттууларда эмес, йогурт, коктейль, ботко, даяр эртең мененки азыктарда да көп болот. Сахарды көп колдонуу зат алмашууну бузуп, семирүүгө жана жүрөк булчуңунун алсырашына алып келет.
Колбаса, сосиска сыяктуу өңдөлгөн эттер да зыяндуу.
Алардын курамында консерванттар, даам күчөткүчтөр жана стабилизаторлор көп. Мындай азыктарды көп колдонуу жүрөк-кан тамыр системасына терс таасир тийгизет.
Жасалма майлар өзгөчө кооптуу.
Алар маргаринде, фастфудда, ар түрдүү нандарда, майда бышырмаларда көп болот. Трансжырлар же жасалма майлар кан тамырларды жабыркатып, жүрөк ооруларынын тобокелчилигин кескин жогорулатат. Андыктан жүрөк оорусу барлар ушул азыктардан алысыраак болуп, туз жана кантты табигый азыктардан гана алууну дарыгерлер сунушташат.