Вьетнамдын борбордук аймактарында акыркы күндөрдөгү нөшөрлөрдөн улам пайда болгон суу ташкындарынан каза болгондордун саны 16га жетип, дагы 5 адам изделип жатат. Бул тууралуу өлкөнүн стихиялык кырсыктарды башкаруу жана дамбаларды көзөмөлдөө башкармалыгы билдирди.
Суу каптоо 43 миңден ашуун турак үйдү басып, дагы 91 үйгө зыян келтирген. Ошондой эле 10 миң гектардан ашык күрүч жана айыл чарба аянттары бузулуп, 6,5 миңден ашуун мал-жандык кырылды же сел алып кеткен.
Өлкөнүн 553 миңден ашык үй-бүлөсү электр энергиясынын үзгүлтүктөрүнөн жапа чеккен бойдон калууда.