Бишкек шаарындагы Турдакун Усубалиев атындагы аянтта Суу ресурстары, айыл чарба жана кайра иштетүү өнөр жайы министрлиги тарабынан уюштурулган азык-түлүк жарманкеси өтүүдө.
Жарманкеде жергиликтүү өндүрүштөн чыккан сапаттуу азык-түлүк товарлары шаар тургундарына базар баасынан арзан сунушталууда. Тактап айтканда, эт азыктарынын баасы 600 сомдон башталат, ал эми башка товарлар өндүрүштүк баада сатылууда.
Министрликтин маалыматына ылайык, учурда өлкөдө негизги азык-түлүк продукциялары боюнча тартыштык жок, керектүү кор жетиштүү. Мындай жарманкелер өлкөнүн бардык аймактарында алдын ала бекитилген графикке ылайык уюштурулуп келет.