Кыргызстанда 2026-жылы 13 333 аз камсыз болгон жана муктаж үй-бүлө Социалдык контракт программасынын алкагында 150 миң сомдон каржылык жардам ала алышат. Бул тууралуу Кыргыз Республикасынын Эмгек, социалдык камсыздоо жана миграция министрлиги билдирди.
Маалыматка ылайык, 11-мартка карата республика боюнча 1 825 арыз түшкөн. Азыркы учурда 607 үй-бүлө менен социалдык контракт түзүлгөн.
Долбоорлордун көбү айыл чарба тармагына туура келет. Тактап айтканда:
- 341 долбоор — айыл чарба тармагында ишке ашырылууда.
Министрлик билдиргендей, арыздарды кабыл алуу дагы эле уланууда.
Бул программа аз камсыз болгон үй-бүлөлөрдү колдоого багытталып, 2022-жылдан бери Садыр Жапаровдун демилгеси менен ишке ашырылып келет.
Төрт жыл ичинде:
- 48 557 үй-бүлө социалдык контракт түзгөн;
- долбоорлордун 73,3% айыл чарба, 13,8% өндүрүш, 6,7% соода, 6,2% кызмат көрсөтүү тармактарына туура келет.
Башында социалдык контракт боюнча жардам 100 миң сом болсо, 2025-жылдан тартып 150 миң сомго чейин көбөйтүлгөн.
Алгачкы катышуучулардын ичинен 14 үй-бүлө жылына 1 млн сомдон ашык киреше табууга жетишкен.
Ошондой эле программанын катышуучуларынын 94,2% аялдар, негизинен айыл жергесинде жашаган жарандар. Долбоорду ишке ашыруунун натыйжасында 57 миңден ашык жаңы жумуш орун түзүлгөн.